Von der Leyen weer Europese Kommissie-president

Die Europese Kommissie se president, Ursula von der Leyen, het ‘n tweede vyfjaar-termyn gewen en beloof sy sal toesien dat die Europese Unie sy verdedigingsvermoë en nywerhede versterk, asook die behuisingskrisis takel. Die voormalige Duitse minister van Verdediging het in 2019 die eerste vrou aan die hoof van die kommissie geword. Sy het haarself voorgestel as die beste en mees ervare leier om aan die stuur van die kommissie te wees, maar dit was nie maklik nie. Die 27 leiers van die EU het haar kandidatuur in Junie vurig gedebatteer voor sy benoem is.