Modric bly aan by Real Madrid

Die kaptein van Real Madrid Luka Modric het ‘n nuwe eenjaarooreenkoms onderteken om hom die komende seisoen by die Santiago Bernabeu te hou. Die 38-jarige middelveldspeler het sy kontrak verleng tot 30 Junie volgende jaar. Modric het ses Kampioeneligatitels, La Liga vier keer en die Copa del Rey twee keer met Real Madrid ingepalm. Hy het in die afgelope twee seisoene net 37 keer opgedraf, maar bly ‘n sleutelspeler vir die afrigter Carlo Ancelotti.