Kommer oor etiek van gas- en oliebeleggers

Olie- en gaseksplorasie in Namibië het talle buitelandse maatskappye gelok maar, daar is kommer onder aktiviste en kenners oor die etiek van sommige van die maatskappye. Die jongste toevoeging is Baker Hughes, ‘n olie-tegnologie verskaffer met sy hoofkwartiere in Houston, Texas. Die maatskappy is onder andere in die VSA deur owerhede uitgedaag oor betalings van 5,2 miljoen Amerikaanse dollar aan twee agente in Kazakhstan, welwetende dat dit gebruik sal word as omkoopgeld. Owerhede sê omkopery het ook in Angola, Indonesië en Nigerië plaasgevind. Aktivis Rob Parker het met Kosmos 94.1 Nuus gepraat toe Halliburton, ook ‘n Amerikaanse oliedienste-maatskappy, die land betree het.