Goedere, kontant van N$563 000 uit voertuig gesteel

Die Walvisbaai-polisie waarsku weer lede van die publiek om nie waardevolle goedere in voertuie te los nie. Dit kom na goedere ter waarde van net minder as 563 000 Namibiese dollar uit ‘n voertuig in Meersig gesteel is. Volgens die mag is ‘n Apple MacBook-skootrekenaar, ‘n Fuji-kamera, ses kameralense, ‘n rugsak, kontant van 21 000 Namibiese dollar sowel as 900 Amerikaanse dollar gesteel. Die ondersoek duur voort.