Zuma se dogter word Mswati se 16de vrou

Oudpresident Jacob Zuma se dogter, Nomcebo Zuma, gaan volgens berigte met koning Mswati die Derde van die Koninkryk van Eswatini, in die huwelik tree om sy 16de vrou te word. Die 21-jarige is die dogter van Zuma se vyfde vrou, Nonkululeko Mhlongo. Koning Mswati se afvaardiging en senior Zoeloe koninklike familielede het glo verlede week Zuma se huis in Nkandla, KwaZulu-Natal besoek en tien beeste as lobola betaal.