Wêreld-watersport se baas getuig in opkikkertoets-ondersoek

Swem: Wêreld-watersport se uitvoerende direkteur, Brent Nowicki, is gedagvaar om te getuig in die Amerikaanse regering se strafregtelike ondersoek na 23 Chinese swemmers. Hulle het voor die Tokio Spele in 2021 positief getoets vir trimetazidien wat prestasie kan verbeter. Hulle is egter steeds toegelaat om deel te neem. Chinese amptenare blameer voedselbesmetting vir die positiewe toetse. Elf van die 23 swemmers is gereed om aan vanjaar se Olimpiese Spele in Parys deel te neem.