Zanu-PF sal regeer tot ‘perde horings kry’

Die Zimbabwiese Nasionale Weermag sê burgers sal verplig word om in die 2028 algemene verkiesing te stem. Die weermag-bevelvoerder, Anselem Sanatywe, sê mense sal na stemlokale gedwing word. News24 berig Sanatywe het ook verkondig Zanu-PF sal regeer totdat die perde horings kry. Die regering het ‘n streng waarskuwing aan opposisiepartye en groepe in die burgerlike samelewing gerig teen die aanhitsing van onrus, met verwysing na staatstoerusting wat ingespan sal word om wet en orde te handhaaf. Zanu-PF probeer om die volgende verkiesing tot 2030 uit te stel, wat president Mnangagwa se termyn met twee jaar sal verleng.