Registrasie van kiesers vorder goed

Die Verkiesingskommissie sê dat amper 30 000 persone daagliks in die tweede week van kieser-registrasie, 10 tot 15 Junie, geregistreer het. In totaal is net meer as 366 000 kiesers geregistreer. Die teiken is rondom 1,7 miljoen. Khomas het weer die hoogste getal registrasies aangeteken met amper 78 000 in totaal. Ohangwena is tweede met net meer as 40 000. Die registrasie duur tot 1 Augustus en alle kiesers moet registreer om te kan stem.