Gelant is terug vir Stormers, Roos is uit

Rugby: Warrick Gelant is terug op heelagter vir die Stormers in môre se Verenigde Rugbykampioenskaps-kwarteindstryd teen Glasgow Warriors. Sacha Feinberg-Mngomezulu skuif na binnesenter en Ben Loader begin op linkervleuel in die opdrafspan.  Onder die voorspelers is Evan Roos weggelaat weens harsingskudding wat hy tydens oefening opgedoen het. Hy word vervang deur die oopkantflank Willie Engelbrecht. Die splinternuwe voorry is Brok Harris, Joseph Dweba en Frans Malherbe. Afskop is môreaand om 25 voor 9.