Alex Albon bly by Williams

Motorsport: Alex Albon het sy langtermyntoekoms by Williams bevestig na ‘n meerjarige kontrakuitbreiding met die Britse Formule Eenspan. Die Thaise jaer is met Mercedes verbind na Lewis Hamilton se skuif na Ferrari vir 2025 asook ‘n moontlike terugkeer na Red Bull. Albon het 27 van Williams se 28 punte gewen in die 2023 bestuurderskampioenskap met die span wat sewende geëindig het in die Vervaardigerskampioenskap. Dit was hulle beste plasing sedert 2017. Met ses wedrenne reeds agter die rug moet Alban egter nog punte aanteken in dié seisoen.