Cohen sê Trump het geweet

Donald Trump se voormalige prokureur, Michael Cohen, het in die voormalige Amerikaanse president se stilbly-geld verhoor in New York begin getuig. Hy sê Trump het geweet hy moes die pornoster Stormy Daniels se storie dat sy met hom seks gehad het begrawe, omdat dit katastrofies vir sy 2016-presidensiële veldtog sou wees. Cohen sê Trump het hom beveel om die kwessie uit te rek so lank as wat hy kan, tot na die verkiesing. Cohen het die idee verwerp dat Trump wou keer dat sy vrou, Melania, van Daniels uitvind, en sê dit het alles oor sy veldtog gegaan. Trump word daarvan beskuldig dat hy Daniels 130 000 Amerikaanse dollar betaal het om nie die storie te laat publiseer nie, en sakerekords vervals het om die betaling weg te steek.