Fishrotters weer in die hof vandag

Die Fishrot-verhoor duur vanoggend om tien-uur voor regter Moses Chinhengo. Hy het reeds in Maart aangedui dat hy nie sal onttrek uit die saak nie en Nigel van Wyk, die enigste een van die groep wat die aansoek gebring het, het aangedui hy sal appelleer daarteen. Daardie argumente sal na verwagting die komende Vrydag aangehoor word. Vandag sal die kriminele verhoor, wat net nie uit die blokke kom nie, voortgesit word. Die saak sloer reeds ‘n geruime tyd en word elke keer ontspoor deur een of ander interlokus-aansoek of een of ander klagte deur die beskuldigdes.