Vier sterf in ongeluk buite Rehoboth

‘n Gru-ongeluk omstreeks 10-uur gisteraand op die B1-pad 10km buite Rehoboth in die rigting van Windhoek het ten minste vier lewens geëis. Twee mense is in ‘n ernstige toestand na die ongeluk, waarin twee sportnutsvoertuie en ‘n vragmotor betrokke was. Voorlopige berigte lui dat die vier oorledenes rugbyspelers was, maar geen bevestiging is nog ontvang nie. Die pad was geruime tyd gesluit vir opruimings om plaas te vind. Hierdie is ‘n ontwikkelende storie en opdaterings sal gegee word soos dit ontvang word.