Dis weer tyd vir Windhoek Hoër teen Windhoek Gim!

Een van die hoogtepunte op die Namibiese skoolkalender is die jaarlikse inter-hoër toernooi tussen Windhoek Gimnasium en Windhoek Hoërskool, wat volgende week vanaf 16 April tot die naweek plaasvind met ‘n verskeidenheid aktiwiteite wat beplan word. Windhoek Gimnasium is vanjaar die gasheer en die aktiwiteite vind op hul perseel plaas. Die inter-hoër sal afskop met driekamp, muurbal en basketbal, asook tafeltennis, sokker en krieketwedstryde. Die publiek sal ook met hokkie-, rugby- en netbalwedstryde bederf word. Kosmos 94.1 Nuus het gesels met Colette Riekert, besturende direkteur van Windhoek Gimnasium, oor die opwindende week wat voorlê.