Missy Elliot se eerste eie toer begin in Julie

Die hip-hop-ikoon, Missy Elliott, gaan haar eerste toer ooit onderneem, waar sy die hoofitem op die program sal wees. Die toer, onder die titel, Out of This World: The Missy Elliott Experience Tour, sal in arenas in 24 stede gehou word, wat begin in Vancouver op 4 Julie, en eindig in Rosemont, Illinois, op 22 Augustus. Busta Rhymes, Ciara en Timbaland, sal saam met haar toer. Verlede jaar het Elliott geskiedenis gemaak deur die eerste vroulike hip-hop-kunstenaar te word wat in die Rock and Roll Hall of Fame opgeneem is.