Walvisbaai-polisie kom grusame aanval teë

Die polisie en omstanders in Walvisbaai is met ‘n grusame toneel begroet ná ‘n aanval op ‘n 28-jarige man. ‘n Onbekende aanvaller het die man Sondag in die vroeë oggendure in die Tutaleni-woonbuurt met ‘n skerp voorwerp, vermoedelik ‘n mes of ‘n gebreekte bottel, aangeval. Die slagoffer het oop wonde aan sy regterskouer en regter bo-rib opgedoen, wat sy longe en ingewande ontbloot en laat uitpeul het. Die man is na die hospitaal geneem, waar sy toestand as stabiel maar kritiek beskryf word. Die Walvisbaai-polisie vra enigiemand met inligting oor die voorval om die naaste polisiestasie te kontak.