Ten minste 60 sterf in Moskou terreur-aanval

Die Isis-terreur-groep het verantwoordelikheid aanvaar vir ‘n brutale aanval op Moskou se Crocus-stadsaal waarin minstens 60 mense dood en meer as 145 beseer is.

Minstens vyf kamoefleergeklede gewapende mans met outomatiese wapens het  by ‘n volgepakte konsertsaal in die stad se westelike voorstede ingebars toe die gehoor bymekaargekom het om na die veteraan-rockgroep Picnic te kyk. Daar was ook ontploffings wat ‘n massiewe brand begin het.