Ry versigtig die naweek, en moenie drink en bestuur nie

Namibiërs vier môre Onafhanklikheidsdag en baie mense gaan oor die langnaweek na verskillende bestemmings reis. Dit sal die gewone skerp toename in verkeersvolumes landwyd veroorsaak. Die Namibiese polisie se verkeers-wetstoepassings-afdeling sal hard werk om polisiesigbaarheid op die hoofpaaie te verseker om bestuurders aan te moedig om by verkeersreëls te hou en om padongelukke te verminder. Hoofinspekteur Rozario Coetzee van NamPol se verkeersdepartement het met Kosmos 94.1 Nuus gepraat en padgebruikers gemaan om versigtig te wees wanneer hulle bestuur en nie te bestuur terwyl hulle onder die invloed van alkohol is nie.