Aaron Taylor-Johnson is volgens berigte gekies as die volgende James Bond

Bekend vir rolle in rolprente soos “Kick-Ass” en “Avengers: Age Of Ultron”, het die 33-jarige akteur blykbaar nog nie die ikoniese rol amptelik aanvaar nie, maar ‘n bron het aan die Britse poniekoerant, “The Sun”, gesê: “Bond is Aaron se werk, sou hy die rol aanvaar”. Die bron het bygevoeg: “Die amptelike aanbod is op die tafel en hulle wag om [van hom] te hoor.” Eon Productions, wat die Bond-rolprente vervaardig, is ook besig om voor te berei om ‘n nuwe 007-fliek te skiet, met ‘n draaiboek waaraan nou gewerk word. “The Sun” se bron het bygevoeg: “Wat Eon betref, gaan Aaron sy kontrak in die komende dae onderteken en hulle kan begin voorberei vir die groot aankondiging.” Aaron Taylor-Johnson is “‘n ongelooflike talentvolle akteur,” volgens die bron, en hy is benoem as die “perfekte persoon om Bond te speel en sal goed voortgaan van waar Daniel Craig opgehou het”.

Foto verskaf: Getty