Nog ‘n bangmaker vir Boeing-passassiers

United Airlines het onthul ‘n vermiste buite-paneel op ‘n Boeing-vliegtuig is eers opgemerk toe dit  op ‘n lughawe in die Amerikaanse staat Oregon geland het. United vlug 433 van San Francisco, ‘n Boeing 737-800 wat 25 jaar oud is, het op die Rogue Valley-internasionale lughawe in Medford geland, met 139 passasiers en ses bemanningslede aan boord. Niemand is beseer nie. Boeing is onder die vergrootglas na verskeie hoë-profiel veiligheidsvoorvalle.