Geen skietstilstand vir Soedan tydens Ramadan

Soedan se militêre generaal, Yasser al-Atta, sê daar sal geen skietstilstand tydens Ramadan wees nie, tensy aan sekere voorwaardes voldoen word. Sy standpunt kom te midde van die voortslepende konflik tussen die weermag en die Rapid Support Forces, of RSF. Die weermag eis die RSF se onttrekking uit burgerlike gebiede en beklemtoon ‘n onderneming wat gegee is in Mei verlede jaar se bemiddelde samesprekings. Die konflik, wat in April verlede jaar uitgebreek het, het Soedan verwoes en gelei tot internasionale oproepe om vrede en humanitêre bystand.