Shifeta sê ekstra heffings op sakke het niks met hul te make nie

In 2019 het die regering ‘n heffing op plastiek-drasakke ingestel om die gebruik daarvan te ontmoedig. Kleinhandelaars betaal 50 Namibiese sent per plastieksak en vra hulle kliënte dus ook 50 sent per sak. Sommige winkels vra egter meer, tot so hoog as 5 dollar ‘n sak. Toerisme-minister Pohamba Shifeta het op ‘n pers-inligtingsessie gesê dat die prys van plastieksakke niks met die ministerie te doen het nie en uitsluitlik van die kleinhandelaars afhang. Hy het bygevoeg dat dit net die ministerie bevoordeel, aangesien dit die omgewing skoon hou.