Seuns spring elektrokusie-dood net-net vry

‘n Raadslid van die Okongo-kiesafdeling, Efraim Shipindo, versoek inwoners om nie teen elektrisiteitpale of transmissielyne te klim nie, aangesien dit ernstige beserings of selfs dood kan veroorsaak. Dit kom nadat twee seuns, onderskeidelik 11 en 14 jaar oud, ernstige elektrokusie-beserings opgedoen het nadat hulle op kraglyne by die Oshakati Shakatelenga-dorpie in die Okongo-gebied geklim het. Die voorval het Woensdag plaasgevind terwyl hulle veronderstel was om bokke op te pas. Hulle het egter begin speel en teen ‘n elektrisiteitspaal opgeklim, wat tot die elektrokusie gelei het. “Die twee slagoffers het aansienlike beserings opgedoen en ontvang tans behandeling by die Okongo-staatshospitaal. Gelukkig is hul toestande na berig word stabiel,” sê Shipindo. Hy het die belangrikheid van ouerleiding beklemtoon om kinders op te voed oor die gevare van elektrisiteit.