Turkye hou sewe vermeende Israeliese spioene aan

Turkye sê hy hou sewe mense aan, onder andere ‘n spesiale speurder, wat verdink word van spioenasie vir Israel se Mossad-intelligensiediens. Die operasie deur Turkye se spioenasie-agentskap en die teen-terreurpolisie in Istanbul, het bevind die verdagtes het inligting aan Mossad verkoop. Die klopjagte volg nadat die Turkse owerhede in Januarie 34 verdagtes vasgetrek het vir die beplanning van ontvoerings en spioenasie vir Mossad.