Geen Bok-kaartjies vir Ierland nie? Siestog…

Springbok-ondersteuners sal teleurgesteld wees oor die nuus dat al die algemene kaartjies vir hulle eerste tuistoets van die jaar uitverkoop is. Dit het net 30 minute geduur vir al die kaartjies vir die toets teen Ierland op Loftus Versfeld in Pretoria op 6 Julie om opgeraap te word. Maar daar is nog geleenthede. Kaartjieverkope vir die tweede toets ‘n week later in Durban open Dinsdag. Die wêreldkampioene skop hulle seisoen af op 22 Junie teen Wallis op Twickenham in Londen.