Biden slaag mediese toets, sonder kognitiewe toets

Joe Biden is geskik vir diens, volgens sy dokter Kevin O’Conner wat die president se jaarlikse mediese ondersoek voltooi het. Die 81-jarige Biden het geen kognitiewe toets ondergaan nie. O’Connor sê Biden is ‘n gesonde, aktiewe, robuuste, 81-jarige man is wat die pligte van die presidensie suksesvol kan uitvoer. Na vrae oor die vermiste kognitiewe toets het die Withuis se perssekretaris Karine Jean-Pierre gesê Biden slaag elke dag ‘n kognitiewe toets as hy beweeg van een onderwerp na ‘n ander onderwerp.