Kanada beloof meer as N$38 miljard se steun aan Oekraïne

Kanada sê hy sal dié jaar meer as 38-miljard-Namibiese dollar se geldelike en militêre steun aan Oekraïne verskaf nadat die twee lande ‘n tien-jaar sekerheidsooreenkoms onderteken het. Die eerste minister van Kanada, Justin Trudeau, wat Kiëf besoek het op die tweede herdenking van die oorlog, sê in ‘n verklaring, Kanada sal Oekraïne steun met wat ookal nodig is, ongeag hoe lank dit neem. Oekraïne se president, Volodymyr Zelensky, sê Kiëf het ook ‘n bilaterale sekerheidooreenkoms met Italië onderteken, nadat soortgelyke ooreenkomste die afgelope paar weke gesluit is met Brittanje, Frankryk, Duitsland en Denemarke.