Uitspraak verwag in Fishrot-kurator saak

Die hooggeregshof in Windhoek sal na verwagting vandag uitspraak lewer in die saak waarin Fishrot-verdagtes die aanklaer-generaal, Martha Imalwa, se benoeming om Suid-Afrikaanse kurators as administrateurs van hul bevrore bates aan te stel, betwis. Regter Orben Sibeya het die uitspraak vir 19 Februarie voorbehou. Johan Engelbrecht en Coenraad Stander van Icon Insolvency Practitioners gaan die huidige kurators, Ian Mclaren en David Bruno, vervang wat aansoek gedoen het vir die beëindiging van hul dienste indien Imalwa suksesvol is. Die beskuldigdes, wat insluit voormalige justisie-minister Sakeus Shanghala en voormalige visserye-minister Bernard Esau, wil eerder hê dat plaaslike kurators, Harald Hecht en Pierre Knoetze, aangestel word.