Stormers en Bulle wen

Die Stormers het hulle segetog teen hulle Suid-Afrikaanse mededingers in die Verenigde Rugbykampioenskap voortgesit. Hulle het die Haaie met 25-21 op ‘n volgepakte Kingspark geklop. Die Stormers se oorheersing van plaaslike spanne het in 2021 begin. Die Bulle het in Johannesburg hulle tweede oorwinning teen die Leeus dié seisoen behaal. Die span van Pretoria het drie drieë in die tweede helfte aangeteken vir ‘n bonuspuntoorwinning na hulle teen rustyd met slegs 5-3 voor was.