SA moordsyfer styg na 7 710 in drie maande

Suid-Afrika se polisie-minister, Bheki Cele, het in sy jongste kwartaallikse misdaadstatistiek aangekondig die moordsyfer het van Oktober tot Desember verlede jaar met 2,1-persent gestyg. Dit is 155 meer as die vorige kwartaal en bring die aantal moorde in dié drie maande op 7 710 te staan. Seksuele oortredings het met 1,7-persent gedaal, maar kommer bestaan steeds, veral omdat 431 moorde met gepeupelreg verband hou. Cele het suksesse in stryd teen transito-rooftogte en die verlaging in eiendoms-verwante misdade beklemtoon.