Drikus en sy gordel kuier vandag in Pretoria

Suid-Afrika se eerste UFC-kampioen, Dricus du Plessis, gaan sy kosbare gordel vandag aan ondersteuners in Pretoria vertoon nadat hy gister ʼn besoek aan Kaapstad gebring het. Hy het die Stormers-rugbyspan besoek en ondersteuners het na die V&A Waterkant gestroom om die kampioen te ontmoet. Du Plessis gaan vandag vanaf half-vier tot half-ses ʼn besoek bring aan die Menlyn Maine-winkelsentrum.