Minder mense maak skuld

Simonis Storm het ‘n ontleding van privaatsektor kredietverlening gedoen en sê verlede jaar is kredietopname op 2,4 persent gemeet teenoor 3,6 persent in 2022. Die neiging is in Desember verlede jaar voortgesit met ‘n groei van 2 persent op ‘n jaargrondslag. Krediet gedurende die jaar is aangedryf deur lenings deur huishoudings wat ‘n gemiddeld van 4,7 persent groei op ‘n jaargrondslag aangeteken het. Die sakesektor het negatiewe groei van 0,7 persent aangeteken.