Nampol vind N$9m se dwelms

Die Namibiese polisie het in Desember net meer as 9 miljoen Namibiese dollar se dwelms gekonfiskeer. Dagga het weer, soos oudergewoonte, die meerderheid uitgemaak en beslaan amper 8,9 miljoen dollar van die bedrag. Mandrax ter waarde van 91 400 dollar, kokaïen stukkies ter waarde van amper 20 000 dollar en ‘cat’ ter waarde van 105 000 dollar is ook gekonfiskeer. ‘n Totaal van 109 Namibiërs, een burger van Burundi, een van Botswana en een van Zambië is gearresteer.