Huishoudings betaal lenings af, maak minder skuld in November

Kredietverlening aan individue het in November verlede jaar sy mees beskeie jaarlikse groei beleef sedert September 2022. IJG Sekuriteite sê daar was ‘n skamele 2,91 persent toename, op ‘n jaargrondslag gemeet. Oortrokke fasiliteite het met 14,43 persent, ook op ‘n jaargrondslag, gestyg met afbetalingskrediet wat met net meer as 5 persent gegroei het. Huislenings het groei van 2,26 persent aangeteken en ander lenings, 1,9 persent. Op ‘n maandgrondslag het huishoudings hul algehele krediet met 0,4 persent afgebring en 255 miljoen Namibiese dollar terugbetaal waarop 9,9 persent op oortrokke fasiliteite bestee is. Ook op ‘n maandgrondslag, het afbetalingskrediet met 2,6 persent in November gestyg, vergeleke met Oktober.