Chinese burger trek aansoek vir toegang tot Namibië terug

Chinese burger Jianming Li se aansoek teen die minister van binnelandse sake Albert Kawana om die weiering van toegang tot Namibië ter syde te stel, is onvoorwaardelik deur Li teruggetrek. Hy is ‘n werkspermit toegestaan maar met aankoms in die land is hy toegang geweier omdat hy as verbode immigrant gelys is. Terwyl die rede vir sy terugtrekking van die saak nie bekend gemaak is nie, is hy op 8 September verlede jaar in die Opuwo-landdroshof skuldig bevind aan onwettige verblyf in die land. Daar is bevind hy het die land onwettig deur Katima Mulilo betree en op Opuwo gewerk. Die hof op die dorp kon net bevestig hy is ‘n jaar tronkstraf of ‘n 10 000 Namibiese dollar se boete opgelê maar kon nie sê watter een die Li gekies het nie.