Verstappen weer los voor

Die drie-malige wêreldkampioen van Red Bull, Max Verstappen, spring môre voor weg in die Brasiliaanse Grand Prix in Sao Paulo nadat gure weer ‘n kwalifiserende ronde op Interlagos vroeg beëindig het. Hy spring weg saam met Charles Leclerc van Ferrari in die voorste ry, met Aston Martin’s van Lance Stroll en Fernando Alonso derde en vierde. Verstappen het vinnig uit die kuipe gekom terwyl die wolke saamgepak het, en om die baan gevlieg om die voorlopige voorste wegspringplek in te palm voordat rukwinde, reën en weerlig die aksie op die baan gestuit het.