Namport presteer uiters goedOctober 26, 2023

Andrew Kanime, Namport se uitvoerende hoof het die maatskappy se onlangse prestasies bekend gemaak. Volgens Kanime het verkeer by beide Walvisbaai en Lüderitz se hawens met 3 persent toegeneem met 15 persent meer vrag wat hanteer word – op ‘n jaargrondslag. Vraghouers se volume het effe gedaal met 4 persent as gevolg van herverskepingsvolumes maar, invoere in vraghouers het met 0,4 persent gegroei met uitvoere wat met 9 persent gegroei het. Inkomste vir die boekjaar wat op 31  Maart vanjaar ten einde geloop het, is 22 persent hoër as die vorige jaar, op 1,5 miljard Namibiese dollar.