Stokes terug teen Proteas

Krieket: Engeland verwag sy kaptein, Ben Stokes, sal terugkeer vir Saterdag se Wêreldbeker-wedstryd teen Suid-Afrika in Mumbai. Hy het sy span se eerste drie wedstryde weens ʼn beseerde heup misgeloop en moes as ʼn toeskouer toesien hoe Engeland teen Nieu-Seeland en Afghanistan verloor maar toe wen teen Bangladesj. Engeland se nederlaag teen Afghanistan gevolg deur Nederland se geskiedkundige oorwinning oor Suid-Afrika, word as twee groot opskuddings beskou. Dit beteken Suid-Afrika en Engeland sal albei in Mumbai onder druk wees.