32 dood in reuse-kettingbotsing in Egipte

Minstens 32 mense is dood in ‘n kettingbotsing op ‘n snelweg in Egipte se Beheira-owerheid. Die land se Ministerie van Gesondheid sê meer as 60 mense is beseer. Die botsing het in mistige toestande plaasgevind toe ‘n passasiersbus op pad na Kaïro in ‘n geparkeerde voertuig op ‘n snelweg tussen die hoofstad en Alexandria vasgery het. Ander motors het teen die bus gebots met sommige wat aan die brand geslaan het.