Vier maande, ‘n miljoen kg rommel in Jhb verwyderMay 16, 2025

Die Stad Johannesburg het die afgelope vier maande ʼn miljoen kilogram rommel uit Johannesburg se middestad verwyder. Dis deel van burgemeester Dada Morero se Reimagining Joburg-veldtog. Sedert Januarie fokus Pikitup, deur sy weeklikse opruiming, op brandpunte soos Marshalltown, vee strate en maak vullisdromme leeg. Stadsamptenare het bevestig die groter Johannesburg-streek lewer jaarliks sowat 1,6-miljard kilogram vullis op. Kritici sê sonder strenger wetstoepassing sal die vullisprobleem net voortduur.