Ali Bongo ‘vlug’ na AngolaMay 16, 2025

Voormalige Gaboense president Ali Bongo, wat in 2023 in ‘n staatsgreep omver gegooi is, het saam met sy vrou en seun na Angola gevlieg. Dit is volgens die buurland se Presidensie. Amptenare van die Afrika-Unie het verlede maand gevra vir die vrylating van Bongo se vrou, Sylvia, en seun Noureddin, wat kort na die staatsgreep in Augustus 2023 in hegtenis geneem en beskuldig is van misdade soos verduistering en geldwassery. Ali Bongo self, wat 66 is, is aanvanklik onder huisarres geplaas na die staatsgreep, hoewel amptenare later gesê het hy was vry om te beweeg soos hy wou. Twee bronne wat vertroud is met die saak, het aan Reuters gesê die gesin het Gaboen voor middernag Donderdagaand verlaat.