Skaakspelers kwalifiseer vir nasionale span by 4-dag toernooiMay 14, 2025

Die Namibië Skaakfederasie se Bank Windhoek Nasionale Junior Geslote Kampioenskappe is deur die Kus Skaakvereniging in Walvisbaai aangebied. Die top vyf spelers in die ouderdomskategorieë van onder-8 tot onder-20 het vir die nasionale span gekwalifiseer, wat beteken hulle kan die land in internasionale toernooie verteenwoordig. Die toernooi het 104 spelers van regoor die land bymekaar gebring, wat mekaar oor vier dae by Walvisbaai Gimnasium die stryd aangesê het. Toernooi-direkteur Israel Shilongo, ook president van die Kus Skaakvereniging, het die toernooi beskryf as ‘n taai kompetisie. Hy het sy kommer uitgespreek oor die dalende aantal vroulike deelnemers, veral vanaf die onder-16-kategorie opwaarts.