Orlando Pirates se afrigter gaan vroeg vertrekMay 12, 2025

Sokker: Orlando Pirates het afrigter José Riveiro se versoek om vroeë vrystelling toegestaan nadat hy ‘n kontrak geteken het by ’n nuwe klub. Sy kontrak sou oorspronklik tot volgende maand geduur het. Môre se kragmeting met Golden Arrows sal die Spanjaard se laaste wedstryd wees. Die voorsitter van die Premier-sokkerliga, Irvin Khoza, het Riveiro geloof vir sy suksesvolle tydperk, waartydens hy sedert 2022 vyf belangrike trofees gewen het. Hulpafrigter Mandla Ncikazi neem oor as waarnemende afrigter, en word ondersteun deur die ontleder Rayaan Jacobs en die tegniese span.