DRK skors Kabila se party April 22, 2025

Die Demokratiese Republiek van die Kongo het voormalige president Joseph Kabila se politieke party, die People’s Party for Reconstruction and Democracy, geskors en beveel dat daar op sy bates beslag gelê word weens beskuldigings dat hy Rwandees-gesteunde rebelle in die ooste ondersteun. Die 53-jarige, wat van 2001-2019 president was en eers uitgetree het ná dodelike betogings teen hom, sê hy wil terugkeer na die Kongo om te help soek na ‘n oplossing vir die oorlog. Aanklaers is opdrag gegee om verrigtinge teen hom te begin, maar geen besonderhede van die beskuldigings is gegee nie.