Tsitsipas, Alcaraz deur na Monte-Carlo kwarteindrondeApril 11, 2025

Tennis: Die driemalige kampioen, Stefanos Tsitsipas, het na die kwarteindronde van die Monte-Carlo-meesterstoernooi deurgedring. Die Griek het Nuno Borges van Portugal geklop en daarmee sy 50ste ATP-meesters-een-duisend-wedstryd op klei gewen. Die tweede gekeurde Carlos Alcaraz van Spanje het die Duitse kwalifiseerder Daniel Altmaier getroef. Alcaraz sal in die kwarteindronde teen Arthur Fils van Frankryk te staan kom wat ‘n gewese kampioen, Andrey Rublev van Rusland, uitgeskakel het. Alejandro Davidovich Fokina van Spanje het Jack Draper van Brittanje uitgestof.