NWR kry tussentydse hoofApril 1, 2025

Namibia Wildlife Resorts het sy hoof bemarkingsbeampte Epson Kasuto as waarnemende besturende direkteur aangestel na die verstryking van dr. Matthias Ngwangwama se kontrak op 31 Maart. Ngwangwama het sedert 1 April 2020 as besturende direkteur gedien, nadat hy die pos in ‘n waarnemende hoedanigheid vanaf April 2019 beklee het. Voor dit was hy NWR se langsdienende finansiële hoof en het later as hoofbeampte vir strategie en projekte gedien. Nelson Ashipala, NWR-woordvoerder, sê Kasuto sal tot 31 Mei waarneem terwyl die werwingsproses vir ‘n permanente aanstelling voortduur.