NNN stel tydlyn vir nuwe redery bekend April 1, 2025

Die herlewing van Air Namibia is steeds in die nuus. Die Presidensie sê ‘n tydlyn is reeds deur president Netumbo Nandi-Ndaitwah daargestel met ‘n markstudie wat teen Junie vanjaar voltooi sal wees en dan belangstellings vir ‘n privaat-openbare vennootskap wat teen Augustus moet plaasvind en teen Desember voltooi moet wees. Die redery sal tussen Junie en Desember 2026 weer geloods word. Intussen het lynminister Veikko Nekundi bevestig dat Air Namibia nie herleef sal word nie – ‘n nuwe nasionale redery sal geskep word.