Dit kriewel in IPC oor parlement April 1, 2025

Dinge blyk om nie pluis te wees in die IPC nie. Ses van die party se stigterslede, insluitend die adjunk-sekretaris-generaal Patrick Kashera het bedank. Intussen  het die partyleier Panduleni Itula sy misnoeë oor die rol van die amptelike opposisie in die Nasionale Vergadering aan The Namibian uitgespreek. Hy wil meer mag vir oorsig oor die regering in die parlementêre reëls hê. Daar is ook onduidelikheid oor presies hoe die party sy mandaat in die parlement sal uitvoer met Itula en sy onmiddellike adjunkte wat nie op die party se lys was nie. Die  toekoms van die kantoor van die amptelike opposisie by die parlement is ook onbekend.