Daniel sal meesterplan vir toerisme opstelApril 1, 2025

‘n Meesterplan vir Namibië se toerismesektor sal teen die einde van Junie vanjaar opgestel wees, sê die nuwe minister van toerisme, Indileni Daniel. In haar eerste ontmoeting met amptenare van die ministerie Maandag, het Daniel gesê haar kernfokus sal die lok van beleggings wees om die sektor te diversifiseer en volhoubaarheid te verseker. Namibië se toerismelandskap moet herdefinieer word om die plaaslike ekonomie te stimuleer en groter sosio-ekonomiese insluiting teweeg te bring, sê sy.