Namibië se damme indrukwekkend vol March 31, 2025

Namibië se nasionale dammestand is tans 81,2 persent, ‘n beduidende toename van 76 persent ‘n week gelede. In die ooreenstemmende tyd verlede jaar was die land se damme in totaal skaars 56 persent vol. Die Hardapdam is nou 74,7 persent vol, volgens NamWater se jongste damverslag. Von Bach staan op 64,9 persent en Swakoppoort op 104,4 persent. Die Nautedam is 62,1 persent vol en Oanob 68,9 persent.